Республикалык штабдан 31-июлда коронавирустун жаңы 662 учуру катталганын кабарлашты. Илдетке чалдыккандардын арасында 25 медкызматкер бар.
Аймактар боюнча:
Бишкек шаары — 221;
Жалал-Абад облусу — 102;
Ысык-Көл облусу — 82;
Ош облусу — 81;
Ош шаары — 52;
Баткен облусу — 47;
Чүй облусу — 42;
Талас облусу — 22;
Нарын облусу — 13.
Ушуну менен COVID-19 жуктуруп алган жарандардын саны 35 805ке жетти — бул статистикага ооруканадан сырткары пневмонияга чалдыккан бейтаптар да кирет. Алардын арасында 2 768 медициналык кызматкер бар.
Коронавируска чалдыккандар Бишкекте эң көп, борбор калаада 15 457 адамдан COVID-19 аныкталды. Чүй облусу бул көрсөткүч боюнча экинчи орунда келе жатат — 4 757 учур. Ош облусунда — 3 087, Жалал-Абад облусунда — 3 045, Ош шаарында — 2 811, Ысык-Көл облусунда — 2 615, Баткен облусунда — 1 535, Нарын облусунда — 1 464 жана Талас облусунда — 1 114 адам илдетке чалдыкты.
Коронавиурсту жуктуруп алгандардын 25 526сы — башкача айтканда 71 пайызы айыгып, 1 378 киши каза болду. Учурда 8 966 бейтап ооруканаларда калууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
