![](https://ky.kloop.asia/wp-content/uploads/sites/6/2020/08/ZHanysh2.jpg)
Ички иштер министрлигинин катчылыгынын башчысы Жаныш Азизов каза болду.
Kaktus.media басылмасынын жазышынча, ал коронавирус менен ооруп жүргөн.
Ал 1954-жылы Чүй облусунун Токмок шаарында төрөлгөн. Милициянын полковниги наамы бар.
Азизов өмүрүнүн басымдуу бөлүгүндө күч органдарында иштеген.
1983-1984-жылдары кыргыз ССР ИИМдин саясий бөлүмүндө инструктор;
1984-1986-жылдары кыргыз ССР ИИМдин катчылыгында режим боюнча инспектор;
1986-1993-жылдары Фрунзе шаардык ИИБдин аткаруу комитетинин катчылыгынын жетекчиси;
1993-1998-жылдары КР ИИМдин катчылыгынын башчысы болуп эмгектенген.
1998-2000-жылдары ички иштер министринин жардамчысы, 2000-2001-жылы министрдин аппаратынын жетекчи орун басары, 2001-жылы министрдин аппаратынын башкы башкармалыгынын жетекчисинин орун басары, 2001-2014-жылдары ИИМдин катчылыгынын жетекчиси, 2014-жылы жаш-курагына байланыштуу отставкага кеткен келип калгандыктан. Ушул эле жылы ИИМдин катчылыгынын жетекчилигине келишимдин негизинде дайындалган. 2019-жылдын майынан бери ИИМдин катчылыгында башкы адис катары иштеп келген.
Кыргызстанда 9-августка карата коронавирустун 39 919 учуру катталды. Ошол эле маалда илдет 1468 кишинин өмүрүн алды. Ал эми 31 822 киши оорудан сакайды.