Республикалык штаб 2-сентябрга карата коронавирустун жаңы 78 учуру катталганын кабарлады, алардын 12си лабораториялык жактан тастыкталды.
Жаңы учурлардын аймактар боюнча көрсөткүчү:
Бишкек шаары — 23;
Жалал-Абад облусу — 13;
Баткен облусу — 12;
Ысык-Көл облусу — 11;
Чүй облусу — 10;
Нарын облусу — 5;
Ош облусу — 3;
Ош шаары — 1.
Мындан сырткары өткөн суткада илдеттен 246 бейтап айыкты. Айыккандардын арасында 13 медкызматкер бар — алардын тогузу үй шартында дарыланган.
Коронавирустан айыккандардын эң көбү Бишкек шаарында катталды — 137 . Ошондой эле, Жалал-Абад облусунда — 31, Ысык-Көл облусунда — 25, Баткен облусунда — 19, Ош облусунда — 11, Ош шаарында сегиз, Чүй облусунда жети, Талас жана Нарын облустарында төрттөн бейтап сакайып, ооруканадан чыгарылды.
Жалпысынан Кыргызстанда COVID-19га чалдыккан бейтаптардын саны 44 036га жетти. Алардын ичинен 38 895 бейтап айыгып, 1 060 киши көз жумду.
Учурда COVID-19га чалдыккан 670 бейтап ооруканада дарыланып жатат. Мындан сырткары 4 799 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
