![](https://ky.kloop.asia/wp-content/uploads/sites/6/2020/09/2011-scaled.jpg)
Бул демократиялык солчулдар (DIM.AR.) — Грециянын мурдагы Юстиция министри Фотис Кувелис тарабынан 2010-жылы негизделген саясий партия. 2015-жылдагы шайлоодо парламентке өтпөй калган. Партия азыр да бар.
Эмне үчүн бул мага тааныш?
Себеби грециялык демократиялык солчулдардын логотиби «Мекеним Кыргызстан» партиясынын логотибине аябай окшош. Мурда «Мекеним Кыргызстандын» логотиби башкача болчу — ал партияны анын негиздөөчүсү Айбек Осмонов жетектеп турганда колдонулчу.
Салыштырып көрүңүз:
![](https://ky.kloop.asia/wp-content/uploads/sites/6/2020/09/o-proedros-tis-dimar-fotis-koubelis.jpg)
![](https://ky.kloop.asia/wp-content/uploads/sites/6/2020/09/119621981_133371881806874_6612262821719341089_o.jpg)
![](https://ky.kloop.asia/wp-content/uploads/sites/6/2020/09/osmonov-1.jpg)
![](https://ky.kloop.asia/wp-content/uploads/sites/6/2020/09/mekenim-kr.jpg)
«Мекеним Кыргызстан» «Матраимовдордун партиясы» деп айтылып келет. Партия аларда инновациялык идеялары менен социалдык-либералдык программа бар деп ырастоодо. Матраимовдор — кыргыз чиновниктеринин таасирдүү саясий кланы.
Искендер Матраимов КСДПнын депутаты, кайрадан «Мекеним Кыргызстан партиясынан» парламентке ат салышып жатат. Анын иниси Райым — бажы төрагасынын экс-орун басары. Ал кыргыз саясатында таасирдүү деп эсептелип, Кыргызстандан алып чыгып кетилген 700 миллион доллардан ашуун каражат жана контрабанда боюнча антикоррупциялык иликтөөлөрдүн фигуранты.