Республикалык штабдан 2-октябрга карата коронавирустун жаңы 215 учуру катталганын кабарлашты. Жаңы катталган учурлардын 153ү лабораториялык тастыкталган.
Аймактар боюнча:
Баткен облусунда - 63;
Ош облусунда — 41;
Жалал-Абад облусунда – 40;
Чүй облусунда – 23;
Ош шаарында — 19;
Бишкек шаарында — 17;
Ысык-Көл облусунда – 10;
Талас облусунда — 1;
Нарын облусунда - 1.
Мындан сырткары өткөн суткада илдеттен 154 бейтап айыкты.
Коронавирустан айыккандардын эң көбү Ош облусунда катталды — 47. Ошондой эле Ош шаарында — 34, Баткен облусунда — 27, Жалал-Абад облусунда — 19, Ысык-Көл облусунда — 12, Бишкек шаарында алты, Чүй облусунда беш, Нарын жана Талас облустарында экиден бейтап сакайып, ооруканалардан чыгарылды.
Жалпысынан Кыргызстанда COVID-19га чалдыккан бейтаптардын саны 47 056га жетти. Алардын ичинен 43 137 бейтап оорудан айыкты — бул жалпы оорулуулардын 91 пайызы. Ошондой эле коронавирус 1 065 кишинин өмүрүн алды — алардын ичинде 83 медкызматкер бар.
Бүгүнкү күндө коронавирустан 910 бейтап ооруканаларда дарыланып жатат. Ошондой эле 1 489 киши үй шартында дарыланууда.
Коронавирус инфекциясы медкызматкерлердин арасында да катталды — өткөн суткада өлкөдө 28 медик илдетке чалдыкканы белгилүү болду. Алардын тогузу Баткен облусунда, сегизи Бишкек шаарында, бешөө Ош облусунда, төртөө Ош шаарында жана экөө Жалал-Абад облусунда катталды.
Ошондой эле сегиз медицина кызматкери коронавирустан айыкты — алардын алтоо үй шартында дарыланган. Жалпысынан COVID-19ду 3 294 медик жуктуруп, алардын 3 029у оорудан сакайган.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
