Республикалык штаб 19-ноябрда өлкөдө коронавирустун жаңы 422 учуру катталганын маалымдады. Ооруну жуктуруп алгандардын арасында 12 медкызматкер бар.
Аймактар боюнча:
Бишкек шаары — 130 (үч медик);
Чүй облусу — 93 (эки медик);
Ысык-Көл облусу — 51 (эки медик);
Ош облусу — 45;
Жалал-Абад облусу — 24;
Ош шаары — 22;
Баткен облусу — 21 (үч медик);
Талас облусу — 20 (эки медик);
Нарын облусу — 16.
Жалпысынан Кыргызстанда COVID-19 инфекциясын жуктургандардын саны 68 316га жетти. Ошондой эле акыркы суткада коронавирустан 516 бейтап айыгып, беш адам көз жумду.
Коронавирустан айыккандардын эң көбү Бишкек шаарында катталды — 168. Ошондой эле Баткен облусунда — 92, Чүй облусунда — 78, Жалал-Абад облусунда — 50, Ош облусунда — 49, Ысык-Көл облусунда — 45, Талас облусунда — 16, Ош шаарында — 10 жана Нарын облусунда сегиз бейтап сакайып, ооруканадан чыгарылды.
Өлкөдө коронавирустан айыккан бейтаптардын саны 59 362ни түзүп, 1 217 киши дүйнө салды.
Бүгүнкү күндө илдеттен 3 144 бейтап ооруканаларда дарыланып жатат — алардын ичинен 129 киши өтө оор абалда. Ошондой эле, 3 870 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
