Республикалык штаб 23-ноябрда өлкөдө коронавирустун жаңы 304 учуру катталганын маалымдады. Ооруну жуктуруп алгандардын арасында эки медкызматкер бар.
Аймактар боюнча:
Бишкек шаары — 101;
Жалал-Абад облусу — 72 (бир медик);
Чүй облусу — 51;
Ысык-Көл облусу — 32;
Ош облусу — 19 (бир медик);
Талас облусу — 16;
Баткен облусу — 8;
Нарын облусу — 3;
Ош шаары — 2.
Жалпысынан Кыргызстанда COVID-19 инфекциясын жуктургандардын саны 69 885ке жетти. Ошондой эле акыркы суткада коронавирустан 349 бейтап айыгып, алты адам көз жумду.
Коронавирустан айыккандардын эң көбү Бишкек шаарында катталды — 112. Ошондой эле Баткен облусунда — 70, Жалал-Абад облусунда — 54, Чүй облусунда — 44, Ысык-Көл облусунда — 35, Ош облусунда жана Ош шаарында 29дан, Талас жана Нарын облустарында экиден бейтап сакайып, ооруканадан чыгарылды.
Өлкөдө коронавирустан айыккан бейтаптардын саны 61 160ты түзүп, 1 237 киши дүйнө салды.
Бүгүнкү күндө илдеттен 3 096 бейтап ооруканаларда дарыланып жатат — алардын ичинен 138 киши өтө оор абалда. Ошондой эле, 3 648 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
