Ош шаардык прокуратурасынын ардагери Данакан Исмаилова 29-ноябрда каза болду. Ал 70 жашта эле.
Исмаилова тууралуу некролог Башкы прокуратуранын сайтында жарыяланды. Мекемеден аны «өз кесибин мыкты билген, жоопкерчиликтүү инсан» болгон деп эскеришти.
«Ал ишине бийик жоопкерчилик менен берилген кесипкөйлүктүн үлгүсү катарында кесиптештеринин элесинде кала бермекчи», — деп жазылат некрологдо.
Прокуратурага өмүрүн арнаган ардагер
Данакан Исмаилова Ош облусунун Ноокат районунда төрөлгөн. Ал 25 жашында кыргыз прокуратура органдарынын кызматкерлеринин катарына кошулган.
Ал эми 42 жашынан Жогорку Кеңештин юридикалык бөлүмүндө эмгектенип, өлкөнүн 1993-жылдагы жаңы Конституциясын кабыл алуу боюнча жумушчу комиссиясын жетектеген.
Кийинчерээк 1996-жылы кайрадан прокуратура органдарына кайтып, ар кандай кызматтарды аркалаган. 2007-жылдан тарта Ош шаардык прокуратурасынын ардагерлеринин тизмесин толуктап келген.
Үзүрлүү эмгеги үчүн Исмаилова бир канча сыйлыктар менен сыйланган. Маркум дээрлик бүт өмүрүн прокуратура органдарына арнады.
