Баткен облустук ички иштер министрлигинен 2-майга карата Баткен облусунун бардык райондорунда жана айылдарында, мамлекеттик чек арасынын кыргыз-тажик тилкесинде кырдаал туруктуу деп билдиришти.
29-апрелде Баткен районундагы Көк-Таш айылындагы аялдар менен жан башлар, карыялар таңкы саат 4:30 чамасында коопсуз жайга кетүүгө аргасыз болгон. Анткени тургундардын уйкусун таш ыргытуулар жана ок атуулар бузган. Ал эми эркектер үй-бүлөсүн жеткирип, мамлекеттик чек араны жана айылды коргоо үчүн кайра келишкен. Чек арадагы ок атуулар 2-майга караган түнү эки тараптуу протоколго кол коюлгандан кийин токтогон.
Кыргыз-тажик чек арасындагы куралдуу кагылышууда Ош — Баткен — Исфана жолунун Төрт-Көчө участогу жабылып, трассанын бир нече участогунда өтүп жаткан кыргыз унааларына ок чыгарылган. Талкаланган унаалардын арасында тез жардам унаасы да болгон. «Клооптун» кабарчылары Айбике Адилет кызы жана Элдияр Бакиров, оператору Хамидулло Узаков ок атылган аймактан 2-майда тартылган сүрөттөрдү жиберишти.
