Республикалык штаб 23-майда Кыргызстанда коронавирустун 325 жаңы учуру катталганын маалымдады. Ооруну жуктургандардын арасында сегиз медкызматкер бар.
Аймактар боюнча:
Бишкек шаарында — 262 (алты медкызматкер);
Чүй облусунда — 19;
Ысык-Көл облусунда — 18;
Ош шаарында — 8 (бир медкызматкер);
Ош облусунда — 8 (бир медкызматкер);
Нарын облусунда — 6;
Талас облусунда — 3;
Жалал-Абад облусунда — 1.
Ошондой эле өткөн суткада коронавирустан 365 бейтап айыкты. Бишкек шаарында — 240, Чүй облусунда — 70, Ысык-Көл облусунда — 16, Ош облусунда — 14, Жалал-Абад облусунда — 11, Ош шаарында — жети, Баткен облусунда — алты, ал эми Нарын облусунда бир киши оорудан сакайды.
Мындан сырткары COVID-19дан Бишкек шаарында төрт, Чүй облусунда үч жана Ысык-Көл облусунда бир бейтап көз жумду.
Жалпысынан Кыргызстанда COVID-19 инфекциясын жуктургандардын саны 102 миң 511ге жетти. Оорудан 95 миң 811 бейтап айыгып, 1 751 киши көз жумду.
Бүгүнкү күндө 1 555 бейтап ооруканаларда дарыланып жатышат — алардын 81и өтө оор абалда. Мындан сырткары 2 369 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
