Республикалык штаб 28-июнда өлкөдө коронавирустун 1 081 жаңы учуру катталганын маалымдады. Ооруну жуктургандардын арасында 42 медициналык кызматкер бар.
Аймактар боюнча:
Бишкек шаарында — 640 (26 медкызматкер);
Чүй облусунда — 99 (төрт медкызматкер);
Жалал-Абад облусунда — 91 (үч медкызматкер);
Ош шаарында — 71 (бир медкызматкер);
Баткен облусунда — 63 (үч медкызматкер);
Ош облусунда — 58 (төрт медкызматкер);
Ысык-Көл облусунда — 28;
Нарын облусунда — 17 (бир медкызматкер);
Талас облусунда — 14.
Ошондой эле өткөн суткада 488 бейтап айыгып, беш бейтап көз жумду.
Жалпысынан Кыргызстанда COVID-19 инфекциясын жуктургандардын саны 121 946га жетти. Оорудан 108 953 бейтап айыгып, 1 982 киши көз жумду.
Бүгүнкү күндө 3 132 бейтап ооруканаларда дарыланып жатышат — алардын 128и өтө оор абалда. Мындан сырткары 6 813 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
