Президент Садыр Жапаров транспорт жана коммуникациялар министри Гүлмира Абдралиеваны ээлеген кызматынан бошотуп, анын ордуна Эркин Осоевди дайындады.
Абдралиева башка кызматка дайындалганына байланыштуу бошотулду. Ал 2021-жылдын февраль айында президент Жапаровдун буйругу менен министр болуп дайындалган.
Осоев Транспорт жана коммуникация министрлигинде 2006-жылдан бери иштеп келген. Ал 2016-жылы министрдин орун басары болуп дайындалган. Ал эми 2017-жылдан тарта Ислам өнүктүрүү банкынын инвестициялык долбоорлорун ишке ашырган топтун директору болгон.
