Республикалык ыкчам штабдын маалыматына ылайык, Кыргызстанда 11-декабрга карата коронавирустун 68 жаңы учуру катталды.
Аймактар боюнча:
Бишкек шаарында — 29;
Чүй облусунда — 15;
Жалал-Абад облусунда — 6;
Ысык-Көл облусунда — 6;
Ош облусунда — 6;
Баткен облусунда — 3;
Ош шаары — 1;
Талас облусу — 1;
Нарын облусу — 1.
Мындан сырткары, өткөн суткада илдеттен эки адам каза болуп, 57 бейтап айыкты.
COVID-19 пандемиясы башталгандан бери өлкөдө илдетке чалдыккандардын жалпы саны 183 931ге жетти. Ал эми өлкө боюнча 178 962 киши оорудан айыкты. Коронавирустан жалпы 2 768 адам көз жумду.
Учурда 347 бейтап ооруканада, ал эми 371 киши үй шартында дарыланууда.
Республикалык штабдын маалыматына ылайык, 11-декабрга карата 9 393 адам COVID-19га каршы вакцина алды, анын ичинде 4 260 адам биринчи дозасын, ал эми 5 133 киши экинчи дозасын алды.
