Өткөн суткада COVID-19 жуктурган бир бейтап каза тапты. Пандемия башталгандан бери өлкөдө илдеттен жалпы 2 828 адам көз жумду.
Саламаттык сактоо министрлигинин маалыматына ылайык, сутка ичинде коронавирус 607 адамдан аныкталды. Илдет жуктургандардын көбү борбор калаада жашагандар.
- Бишкек — 404;
- Чүй облусу — 97;
- Ош облусу — 10;
- Жалал-Абад облусу — 24;
- Талас облусу — 20;
- Баткен облусу — 20;
- Ысык-Көл облусу — 13;
- Ош шаары — 14;
- Нарын облусу — 5.
Пандемия келгенден бери коронавирус жуктуруунун жалпы 188 813 учуру аныкталган.
Мындан тышкары, 15-январга карата маалымат боюнча, 746 бейтап ооруканада даарыланып жатат. Дагы 2 888 адам амбулатордук дарыланууда.
Сутка ичинде илдеттен айыгып 122 бейтап оорукандан чыкты. Пандемия башталгандан бери оорудан жалпы 180 862 адам айыкты.
