Садыр Жапаров баштаган «Президенттин администрациясы» командасы футзал боюнча «Мурас» достук турнирин жеңди.
Финалда президенттин командасы Жогорку Кеңештин депутаттарын 7:3 эсебинде жеңди. Президенттин администрациясынан Садыр Жапаров 3 гол, Азамат Жаманкулов жана Муса Жаманбаев бирден гол киргизишти. Ал эми Жогорку Кеңештин командасынан Дастан Жумабеков менен Эмил Жамгырчиев автоголдору менен белгиленишти.
Мелдеште үчүнчү орун атамекендик футболдун ардагерлеринин «Алга» командасына тийди.
Турнир 4-майда башталган. Ага мамлекеттик кызматкерлерден, депутат, министр, маданият ишмерлери жана чет элдик дипломаттардан турган 12 команда катышты.
