Бүгүн 31-августта Чуңкурчак жайлоосунда Кыргызстандын Эгемендүүлүк күнүнө карата майрамдык салтанат өтүп жатат. Ал жерге миңдеген адам чогулду.
Кыргызстандыктардын алдында президент Садыр Жапаров куттуктоо сөзү менен чыкты. Салтанаттуу иш чарага Министрлер кабинетинин мүчөлөрү, Жогорку Кеңештин депутаттары, дипломаттар жана башка саясатчылар келди.
Жайлоодо Кыргызстандын 31-туусун орнотуу аземи болду, андан соң эл артисттеринин катышуусунда концерт башталды.
31-августта Кыргызстанда Эгемендик күнү майрамдалат. 1991-жылдын дал ушул күнү Кыргыз ССРнин Жогорку кеңеши Кыргыз Республикасынын эгемендигин жарыялаган.
