«Аянты 300 чарчы метр коммерциялык объектини курууда эч кандай уруксат документи берилген эмес. Ошого объект бузулууга тийиш болгон. Бирок, шектүү өзүнүн ыйгарым укуктарын колдонуп ар кандай тоскоолдук жараткан», — дешти атайын кызматтан.
Аны менен катар, Сазыкулов калаанын ортосундагы сейил бакты жашылдандыруу боюнча тендерди өткөрүүдө коррупцияга жол берген деп шектелүүдө. Бакча үчүн бюджеттен 17 миллион сомдон ашык каражат жумшалып, иш 6-7 миллион сомго ашыкча бааланган.
Жогорудагы фактылар боюнча козголгон иштин негизинде Максатбек Сазыкулов жана дагы бир ишкер кармалып, убактылуу кармоочу жайга киргизилди.