Садыр Жапаров жумушчу сапары менен Орусияда. Президент Бишкектеги «Өлбөс полк» жүрүшү өтпөй калган шартта Москвадагы Жеңиш Парадына катышат. КР ИИМи коомдук коопсуздукка коркунуч туулуп жаткандыктан быйыл Бишкектеги «Өлбөс полку» жүрүшү өтпөйт деп түшүндүргөн.
Ал арада калаанын Жеңиш паркында митинг-реквием өтүп, катышуучулар Өчпөс отко гүлчамбар коюшту. Ал эми калаанын райондорунда майрамдык концерттер өтүп жатат.