«Министрлер кабинети учурда жабыркаган чет элдик студенттерге келтирилген чыгымды төлөп берүү маселесин кароодо. Мындай компенсация кандай формада жана кандай мөөнөттө жүргүзүлөрү кошумча жарыяланат», — деди Байсалов.
Ошондой эле, жыйында Бишкекте чет элдик студенттер жашаган жатаканада болгон окуя жана окуу процессин калыбына келтирүү, студенттердин коопсуздугун камсыз кылуу маселелери да талкууланды.
18-майга караган түнү Бишкектин чыгыш тарабындагы башаламандык катталган. Ага 17-майда соцтүйүндө «чет элдиктер менен кыргыздар аралашкан» деген бир нече адамдын мушташы тартылган видео тараганы себеп болгон.
Саламаттык сактоо министрлиги аталган окуяда жалпы 41 киши ооруканага кайрылып, 20-майга карата бейтапканаларда 11 киши дарыланып жатканын билдирген.
Ал эми, Билим берүү министрлиги чет элдик студенттерди бир жумага онлайн окууга которгон.
Сүрөт: «Кабар» агенттиги