«Бул жаңжал боюнча маморгандар тез арада ар тараптуу чараларды көрүүгө тийиш. Учурдагы кырдаалды жөнгө салуу гана эмес, келечекте ошондой окуяларга жол бербөө да керек. […] Өлкөнүн бардык тургундары жана коноктору өздөрүн коопсуз сезе турган шарттарды түзүү үчүн өкмөт, укук коргоо органдары, Билим берүү мекемелери жана коомчулук биргелешип иштеши керек деп эсептейбиз», — деди Жаманбаева.
Эл өкүлү Мейкинбек Абдалиев тополоңдун катышуучулары индиялык жана пакистандык студенттер эместигин, окуяда кыргызстандык жарандардын дагы күнөөсү бар экенин милиция убагында билдириши керек болчу деп белгиледи.
13-майда бир нече кыргызстандык чет өлкөлүк студенттер менен мушташып, алардын телефон жана акчаларын тартып алышкан. Мушташтын видеосу соцтүйүндөрдө таркап, бул 18-майда улуттар аралык толкундоолорго алып келген, натыйжада бери эле дегенде 41 адам жабыркаган. Жабыркагандардын арасында чет өлкөлүктөр бар.