Тышкы иштер министрлиги Казакстандын Алматы шаарында көп кабатуу үйдүн терезесинен кулап каза болгон 17 жаштагы кыргызстандык кыздын өлүмү тууралуу комментарий берди.
Маалыматка ылайык, окуя 26-июнда Алматыдагы Сейфуллин №31/50 көчөсүндө жайгашкан үйдө болгон. Маркум 7-кабатынын терезесинен кулап түшүп, алган оор жаракатынан каза болгон. Ал Алматыга ушул жылдын 21-майында барган.
Кыргызстандын Алматыдагы консулдугу маркумдун сөөгүн мекенине алып чыгып кетүүгө уруксат алган. Азыркы учурда «жүк 200» аркылуу Кыргызстанга жөнөтүү иштери жүрүүдө.
