Иорданиянын Амман шаарында өтүп жаткан күрөш боюнча 23 жашка чейинки спортчулар арасындагы Азия чемпионатында грек-рим күрөшү боюнча балбандар биринчи күнү эки алтын, бир күмүш жана төрт коло байге утушту.
Аманат Самат уулу (67 кг) менен Нурманбет Раймалы уулу (97 кг) алтын, ал эми Аркыт Орозбеков (130 кг) күмүш алса, Акыл Сулайманов (60 кг), Адилхан Нурланбеков (72 кг), Бекзат Орункул уулу (82 кг) жана Алибек Бердиев (77 кг) коло медалга ээ болушту.
Мелдеш 30-июнга чейин уланат. Буга чейин Кыргызстандын күрөш боюнча курама командасы өспүрүмдөр арасындагы (U-17) Азия чемпионатында 10 медаль утуп, командалык эсепте 2-орунду ээлеген.
