30-июлда Ысык-Көл, Ноокат жана Свердлов бир мандаттуу окуругдары боюнча мөөнөтүнөн мурда Жогорку Кеңештин депутаттыгына шайлоо өттү.
Добуш берүүнүн баштапкы жыйынтыгы боюнча Ысык-Көлдөн Айжигит Тыналиев, Ноокаттан Бакытбек Марипов, Бишкектин Свердлов окуругунан Жумабек Салымбеков алдыда келе жатат.
БШКнын маалыматына ылайык, шайлоого катышкандардын саны аз болду. Ал эми добуш берүүнүн акыркы жыйынтыгы кол санактан кийин чыгарылат.