1-июлда ӨКМден Оштун Ноокат районунун Абшыр-Ата айылындагы сайдан жаш баланын сөөгү табылганын билдиришти.
Учурда сөөктүн өздүгүн тактоо иши жүрүүдө.
Ушуну менен селдин кесепетинен каза тапкандардын саны онго жетти.
Буга чейин Ноокатта селден каза тапкан 9 кишинин сөөгү табылган — алардын баары бир үй-бүлө мүчөлөрү экени маалым болгон.
ӨКМден селге көнөктөп жааган жамгыр, Абшыр-Ата дарыясынын жээгиндеги бак-дарактар, эс алган жайлардын тапчандарынын башаламан курулулушу, көмүр карьерине өтүүчү көпүрөнүн төмөн экени себеп болгонун билдиришкен.
