Кыргыз балбандары катышкан алгачкы беттештер 6-августта Бишкек убактысы боюнча саат 15:00дө башталат.
Акжол Махмудов 77 килограмм салмакта күч сынашат. Анын алгачкы атаандашы — панамерика оюндарынын жеңүүчүсү АКШлык Камар Бей.
Ал эми Узүр Жусупбеков 97 килограмм салмакта литвалык Миндаугас Венцкайтис менен беттешет.
25 жаштагы Акжол Махмудов — грек-рим күрөшү боюнча Азиянын үч жолку, дүйнөнүн эки жолку чемпиону. 2020-жылкы Олимпиада оюндарынын күмүш медалынын ээси.
28 жаштагы Үзүр Жусупбеков болсо — Азия чемпиону. Ушул эле мелдеште үч жолу коло медаль тагынган. Ислам шериктештик оюндарында күмүш, Азия оюндарында коло байгеге татыган. 2020-жылкы Олимпиадага катышкан.