11-август саат 04:05 чамасында Бишкек — Ош жолунун 487-чакырымында, тагыраагы Жалал-Абаддын Ноокен районунун аймагында жол кырсыгы катталып, алты киши каза болду.
Маалыматка ылайык, «СсангЙонг Корандо» үлгүсүндөгү унаанын 41 жаштагы айдоочусу каршы тилкеге чыгып кетип, «Рено Премиум» унаасын сүзгөн.
Кырсыктан айдоочу төрт жүргүнчүсү менен жеринде каза таап, дагы бир киши Шамалды-Сай шаардык ооруканасында көз жумган.
ИИМдин маалыматына ылайык, жыл башында эле өлкөдө 1 173 жол кырсыгы катталган. Анын кесепетинен 82 адам каза болуп, 1 673 киши жаракат алган.