Ош облусунун Өзгөн районунун Кароол айыл аймагындагы бала бакчалардын биринде эки жашар бала каналга түшүп кетип каза тапты.
Ош облустук милициянын маалыматына ылайык, 8-августта Кароол айыл аймагындагы бала бакчалардын биринде эки жашар бала чыгып кеткен бойдон дайынсыз болуп жатканы тууралуу маалымат түшкөн.
Жүргүзүлгөн ыкчам-издөө иш-чаралардын натыйжасында дайынсыз болуп жаткан наристе бала бакчанын жанында аккан каналга түшүп кетип каза тапканы маалым болгон.
«Окуя боюнча күбөлөр суралып, өлүмдүн себебин аныктоо боюнча тийиштүү экспертизалар дайындалган. Анын ата-энеси окуя боюнча эч кимге арыз-доосу жоктугун билдиришип, арыз жазуудан баш тартышкан», — дешти милициядан.
Учурда тергөө уланууда.
Иллюстративдик сүрөт