Кыргызстанда төрөлгөн орусиялык мушкер Дмитрий Биволго кыргыз президенти Садыр Жапаров унаа белек кылды.
Спортчу соцтүйүндөргө белектин — алтын-күрөң түстөгү Rolls-Royce Silver Wraith унаасынын — сүрөтүн жарыялады. Ал Жапаровдун инстаграм баракчасын белгилеп, «Укмуштуудай белек» деп жазды.
Бивол ошондой эле ага президенттин уулу Рустам Жапаров унаанын ачкычын берип жаткан учурдун видеосун да жарыялады.
«Чемпионго биздин Садыр Нургожоевичтин атынан чын жүрөктөн»,
— деди президенттин уулу.
Tolom.kg порталына ылайык, 1977-жылы чыккан бул автоунаанын кыймылдаткычынын көлөмү 6,7 литрди түзөт.
Автоунаалар сатылган Classic.com аянтчасындагы маалыматка ылайык, 1997-жылкы эң кымбат Rolls-Royce Silver Wraith унаасы 2021-жылдагы аукциондо 31 миң АКШ долларынан ашыгыраак суммага сатылган. Азыркы курс менен эсептегенде, ал 2,7 миллион сомду түзөт.