20-декабрда Чүй облусунун Аламүдүн районунда мажбурлап никеге тургузуу үчүн кыз ала качкан эки шектүү камакка алынды.
Жабырлануучу кыздын айтымында, окуя 18-декабрда болгон. Шектүүлөр аны уурдап, Маевка айылына алып барышкан. Молдо чакырып нике кыюуга аракет кылышкан, бирок кыз макул болгон эмес.
Кийин шектүүлөр кызды Беловодское айылына алып барып, ал жерде анын эркине каршы кармап турушкан.
Бул боюнча «Кыз ала качуу» беренеси менен иш козголуп, 30 жана 35 жаштагы эки шектүү тергөө абагына киргизилди.
