Президент Садыр Жапаров архитектура, курулуш жана турак жай тармагын өнүктүрүү максатында жаңы министрлик түзүү боюнча жарлыкка кол койду.
Өлкө башчысы ага Архитектура, курулуш жана турак жай-коммуналдык чарба мамлекеттик агенттигинин башчысы Нурдан Орунтаевди жетекчи кылып дайындоо сунушун парламетке жөнөткөн. Жогорку Кеңеш аны колдоду.
Нурдан Орунтаев 2022-жылдын августунда Бишкек шаарынын вице-мэри болуп дайындалып, бул кызматты 2023-жылдын ноябрына чейин аркалаган.Андан кийин Министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигин жетектеген.