Биринчи май райондук ички иштер башкармалыгы Панфилов паркындагы кырсыкка байланыштуу «Керектөөчүлөр үчүн коркунуч жаратуу» беренеси менен кылмыш ишин козгоду. 31-мартта парктагы аттракциондон кулаган кыз реанимацияга түшкөн.
Милиция шектүү катары аттракциондун 24 жаштагы Ш. А. аттуу операторун кармап, убактылуу кармоочу жайга киргизди.
31-мартта Панфилов паркындагы аттракциондон кулап түшкөн 19 жаштагы кыз ооруканага жеткирилген. Учурда ал оор абалда реанимация бөлүмүндө жатат.
Окуядан кийин Жаратылыш ресурстары, экология жана техникалык көзөмөл министрлиги аттракциондун ээсине айып салып, парктагы бардык аттракциондордун ишин убактылуу токтоткон.
