Бүгүн, 2-апрелде, төрага Нурланбек Тургунбек уулу аткаруу бийлигине жолду кеңейтебиз деп элди козутуудан оолак болуу керек деп эскертти.
«Айылдарда, кичинекей айылдарда да жолду кеңейтүү максатында үйлөрдүн короо-жайларын жылдыруу боюнча масштабдуу иш-чара жүрүп жатат. Бул иштерди аткаруу бийлиги этияттык менен жүргүзүшү керек. Тынч тиргилигин кылып жаткан элди козутуп коюп жатат. Оркойуп чыгып кеткен, жолго салып алган курулушутарды эл өзү деле түшүнүп, бузуп, иретке келтирүүгө макул. Бирок кээ бир жерлерде аша чаап кеткен учурлар болууда. Ошондуктан этияттык керек, элди көп козутпоо зарыл»,
— деди төрага.
Өлкө боюнча мыйзамсыз курулуштарды алып салуу иштери жүрүп, кызыл сызыктан чыккан объектилер буздурулууда. Айрымдарынын документи бар болгондуктан, соцтармак колдонуучулары уруксат берген органдарды да жоопко тартууну сунуштап келет.