«Албетте, күнөөлүүлөр жоопко тартат деп атабыз, бирок эмнеге министрдин жоопкерчилигин карабай жатабыз? Ал эмне үчүн ыкчам чара көргөн жок? Депутат, активисттерди эле аңдып, реалдуу иш кылбай порнофильмдерди эле тартып отурат! [...] Эмне үчүн жаңжалга дароо чара көргөн жок? Эмне үчүн жума күнү тайпаларда видео таркатылып жатканда, андан эч бир реакция болгон жок? Мен ал жоопкерчилик тартышы керек деп ойлойм», — деп билдирди эл өкүлү.
13-майда Бишкекте бир нече кыргызстандык хостелдердин биринде жашаган чет өлкөлүк жарандар менен мушташып кеткен. Анын видеосу соцтүйүндөрдө тарап, бул 18-майда улуттар аралык тополоңго алып келген. Белгисиз адамдардын тобу чет элдиктер жашаган жатаканаларда тополоң салып, аларды сабап, баалуу буюмдарын алып кетишкен. Окуядан улам бери эле дегенде 41 адам жабыркаган.