Бүгүн Париж Олимпиадасында кыргызстандык суучул Денис Петрашов экинчи жолу жарышка түшөт. Ал 200 метрлик брасс түрүндөгү жарышта күч сынашат.
Бул аралык боюнча жалпы 25 спортчу катталып, төрт топко бөлүнгөн. Петрашов үчүнчү топто ат салышат. Жарым финалга чыгуу үчүн ал мыкты делген 16 спортчунун катарына кирүүсү керек.
Жарыш Бишкек убактысы боюнча саат 16:51де башталат.
Буга чейин Петрашов олимпиаданын 100 метрлик брасс түрүндөгү жарышында 23-орунду ээлеген.