Кыргыз балбаны Париж Олимпиадасындагы алгачкы атаандашы Дүйнөнүн эки жолку чемпиону ирандык Амир Хоссейн Аббас Зареге 0:5 эсебинде жеңилип калды.
125 килограмм салмакта күч сынашкан кыргыз балбаны ирандык балбан финалга чыкса, көңүл жубатуучу беттешке катышууга мүмкүнчүлүк алат.
Кыргызстандын эмгек сиңирген спорт чебери, 38 жаштагы Айаал Лазеров — Азия чемпиону, Дүйнө кубогунун ээси. Ушуну менен ал үчүнчү ирет Олимп оюндарына катышып жатат. 2016-жылы Рио-де-Жанейродо, 2020-жылы Токиодо өткөн Олимпиадага катышкан.