Эркин күрөш боюнча 62 килограмм салмакта Париж Олимпиадасына катышып жаткан Айсулуу Тыныбекова алгачкы атаандашы Африканын чемпиону нигериялык Эсер Колаволени 5:1 эсебинде утту.
Айсулуу чейрек финалда Дүйнө жана Панамерика чемпионатынын жеңүүчүсү, Токио Олимпиадасынын катышуучусу АКШлык Кайла Миракл менен беттешет.
31 жаштагы Айсулуу Тыныбекова — Азиянын алты, Дүйнөнүн үч жолку чемпиону. Дүйнө кубогунун ээси жана эл аралык деңгээлдеги бир нече мелдештин жеңүүчүсү. Кыргызстандын эмгек сиңирген спорт чебери Токио Олимпиадасында күмүш байге уткан.