Бүгүн алгач Париж Олимпиадасында эркин күрөш боюнча 125 килограмм салмакта Айаал Лазарев көңүл жубатуучу беттеште канадалык Амарвира Деси менен коло медалга күрөшүү мүмкүнчүлүгүн алуу үчүн күрөшөт.
Андан соң балбан кыз Айпери Медет кызы эркин күрөш боюнча 76 килограмм салмакта алгачкы беттешин өткөрөт. Ал Азия чемпионатынын жеңүүчүсү кытайлык Ван Цзюань менен килемге чыгат.
Андан кийин эркин күрөш боюнча 65 килограмм салмакта Эрназар Акматалиев Европа чемпиону, Токио Олимпиадасына катышкан венгриялык Исмаил Мусукаев менен күч сынашат.
Беттештер бүгүн Бишкек убактысы боюнча 15:00дө башталат.
Айсулуу Тыныбекова 23:15те коло медаль үчүн күрөшөт. Атаандашы аныктала элек.
Ал эми 11-августка караган түнү 1:47де мушкер Мунарбек Сейитбек уулу өзбекстандык Абдумалик Халоков менен алтын медаль үчүн беттешет.