УКМК Улуттук госпиталдын жаак-бет хирургиясы бөлүмүнүн жетекчиси менен бир дарыгери пара алууга жана кылмыштуу кирешелерди адалдаштырууга шектелип кармалганын билдирди.
Тергөөнүн маалыматына ылайык, аталган бөлүмдүн башчысы менен жакындары 2 млн доллардан ашык суммага бааланган мүлктөргө ээлик кылышат.
«Бул сумма бөлүм башчысынын госпиталдагы иши үчүн алган чыныгы кирешеси менен дал келбейт. Анын бир жылдык кирешеси 400 миң сомду түзөт», — деп билдиришти УКМКдан.
Жаак-бет хирургиясы бөлүмүнүн башчысы менен шектүү дарыгер атайын кызматтын тергөө абагына камалды.