Самидин кары Атабаев Ош шаарынын казысы болуп дайындалды. Тиешелүү буйрукка Азирети Муфтий Абдулазиз кары Закиров кол койду.
51 жаштагы Атабаев буга чейин Ысык-Көл облусунун казысы болуп иштеп келген.
Самидин кары Атабаев Ош облусунун, Бишкек шаарынын казысы, Азирети Муфтийдин орун басары жана милдетин аткаруучу кызматтарын аркалаган. 2024-жылдын 23-майында Ысык-Көл облусунун казысы болуп дайындалган эле.
Ал эми Ош шаарынын мурдагы казысы Мирлан Токтомушев УКМК тарабынан кармалган. Ал жана казыяттын башка кызматкерлери мечиттер менен медреселерден мыйзамсыз акча чогултууга шектелүүдө.