Ысык-Көл облусу менен Казакстанды бириктирип турган жалгыз унаа жолунун 14 чакырымы калың жааган кардан улам жабылды, андагы кардын калыңдыгы бир жарым метрге жеткен. Куткаруучулар жолду 3-декабрдын кечине карата тазалап бүтө тургандыктарын айтып, убада кылышты.
ӨКМдин Ысык-Көл облусу боюнча нөөмөтчүсү Бейшен Супатаев унаа жолу 2-январда күндүз жабылгандыгын Kloop.kgге билдирди.
«Түндө [1-январда] кар жаады. Бурганактап шамал катуу болду», – деди ал.
Санатаевдин айтымында, учурда күн ачык.
Нөөмөтчү билдиргендей, куткаруучулар кечке карата жолдун бир багытка кете турган бөлүгүн тазалап бүтүп, кууш өткөөлдү ачууну пландап жатышат.
ӨКМ Түп-Кеген унаа жолун 20-декабрда дагы жапкан, аны менен бирге эки тоолуу унаа жол тосулган.
Анда ал унаа жолдордун жабылышына катуу бороон себеп болгон. Кыргызстанда 12-декабрдан 22-декбрга чейин өтө суук аба ырайы болуп, ал кардын жаашы менен коштолгон.
Аталган күндөрдүн аралыгында өлкөнүн түндүк бөлүгүндө термометрдин көрсөткүчү бир дагы жолу нөлдөн жогору көтөрүлгөн эмес.
Гидрометеорологиялык агенттик 2013-жылдын январында республика боюнча катуу суук болбойт деп болжолдоодо.
Автор: Шахида Дүйшеева