Бишкектин борбордук бөлүгүндө жайгашкан Панфилов сейил багы шаардын тургундары менен конокторуна эс алуунун ар кандай түрүн сунуштайт.
Паркка келген ар бир эс алуучу өзүнүн жаш курагына ылайыктуу атракционго түшүп, көңүл ачуу мүмкүнчүлүгүнө ээ. Баалар орто эсеп менен 40 сомдун тегерегинде.
Бул жерде атракциондордун алты-жети түрүн көрүүгө болот, көпчүлүгү кооптуу болгондуктан жаш балдарга жана жүрөгү оруулуу адамдарга сунушталбайт.
Сейил бакта дүкөндөр, кафелер адамдардын кызматында.
Жаныбарлардан коён, жылан, ондатра, канаттуулардан болсо тоос, көгүчкөндөрдү кезиктирүүгө болот. Каалоочулар ал жаныбарлар менен сүрөткө түшсө болот - акысы 20 сом.
Түрдүү оюн-тамашалар сейил бактын ар бурчунда.
Келген адамдардын кызуу маек куруп жатканын же болбосо үй-бүлөсү менен келип олтургандарына күбө боло аласыз.
Панфилов сейил багы көк шиберлүү салкын жай.
Бул жерге эс алуу үчүн келген адамдардын агымынын көптүгү байкалып турат.