Бишкек шаарындагы “Жеңиш” аянтында гүлдөрдүн көргөзмөсү өтүп жатат. Ал 24-сентябрдан 8-октябрга чейин уланмакчы.
Аталган көргөзмөгө үй гүлдөрүнөн тартып, эшикке өстүрүүчү гүлдөрдөн өйдө коюлган.
“Гүл көргөзмөсүнүн өтүп жатканы шаар тургундары үчүн да кызыктуу болуп жатат. Баары ыраазы болуп, дагы көргөзмөнү узагыраак кылсаңар деп суранып жатышат”, - дейт гүл өстүрүүчү Надира Аргынбекова.
Ал эми сатып алуучу Эльнура Якубова гүлдөргө кичине кезинен эле кызыгып, көгөзмөгө гүл сатып алуу үчүн келгенин билдирди.
“Көргөзмөгө экинчи жолу келдим. Бул жерден фиалка гүлүн сатып алдым, гүл көргөзмөсү бир жылда эки жолу болсо жакшы болмок”, - дейт Эльнура Якубова.
Гүлдөрдүн көргөзмөсү гүл өстүрүүчү айымдардын тажрыйба алмашууларына жакшы шарт түзөт. Бул жердеги гүл өстүрүүчүлөр келген кардарларга гүлдүн сырларын айтып берип жатышат.
https://soundcloud.com/kloop-1/m9vod42rx5cw
Флорист Надира Аргынбекова учурда гүл өстүрүүгө мырзалар да кызыгып жатканын билдирди.
Даярдагандар: Амантур Ганиев, Найзабек Мукамбет уулу