Премьер-министр Сапар Исаков Экологиялык жана техникалык коопсуздук боюнча мамлекеттик инспекциясына Ысык-Көл облусунун Жууку капчыгайындагы Тянь-Шань карагайларын мыйзамсыз кыюуну «токтотууну жана тыюу салууну» буйруду.
Исаков Экологиялык жана техникалык коопсуздук боюнча мамлекеттик инспекциясына Жууку айлындагы токойдун кыйылышы боюнча маалыматты иликтөөнү тапшырды.
Ошондой эле, укук коргоо органдары күнөөлүүлөрдү издеп таап, кайтарууга алынган жаратылыш токоюнда бактарды кыйгандарга карата «эң катаал чараларды» көрүшү керек.
Премьер-министр Сапар Исаков өз фейсбугунда Жууку капчыгайында Тянь-Шань карагайлары мыйзамсыз кыйылып жатканын жазган активист Влад Ушаковдун билдирүүсүнө көңүл бурган.
«Кышкысын капчыгайларда "чоочун" көздөр азайып, жергиликтүү токойчулар менен жаратылышты коргоо министрликтеринин аткаминерлеринин колдоосунун алдында аңчылык кыюулардын убагы келет», — деп жазган ал.
Ысык-Көл облусундагы Жууку капчыгайы өзгөчө кайтарууга алынган жаратылыш комплекси болуп эсептелет. Ал жакта токойлорду кыюуга, айбанаттарга аңчылык кылууга жана жеке турак жайларды курууга тыюу салынган.