Кышкысын эс алгысы келгендер Оштун Алай районундагы «Чыйырчык» лыжа базасына агылат.
«Чыйырчык» лыжа базасы Ош шаарынан 63 километр алыстыкта жайгашкан.
Лыжа сезону декабрь айында ачылат. Дем алыш күндөрү шаар тургундары, чет элдик коноктор «Чыйырчыкка» жөнөшөт.
Анткени бул Ош облусу боюнча жападан жалгыз кышкы эс алуучу жер. «Чыйырчык» дем алыш күндөрүндө 200дөн ашуун эс алуучуну кабыл алат.
Эс алуучуларга лыжа, сноуборд, чана жана балон ижара берилет.
Алардын баасы саатына 200 сомдон 500 сомго чейин барат. Ал эми, ат минүүгө 100 сом төлөө керек болот.
Базада эс алуучуларга коопсуздук тууралуу кеңеш берген кызматкерлер бар.
Бул базада уюлдук байланыш тартпайт. Ошондуктан, тез жардам чакыруу — машакаттуу.
