Кыргызстандыктар 9-сентябрда жаңы майрамды белгилешет — комуз күнү. Тийиштүү жарлыкка өлкө башчысы Сооронбай Жээнбеков кол койду.
Жаңы майрам күнү «коомду консолидациялоо жана элдин биримдигин бекемдөө», андан тышкары, «этностук коомчулуктардын маданияттар аралык диалогун кеңейтүү» үчүн киргизилди.
«Кыргыз элинин руханий маданиятынын ажырагыс бөлүгү катары салттуу музыканы комузсуз элестетүү мүмкүн эмес. Комуз кыргыз элинин салттуу маданиятында өзгөчө орунду ээлейт. Комуздун “күүлөрү” өзүнө философиялык ойлорду, жашоо-турмушту жана маданияттын өзгөчөлүгүн камтып, муундан муунга өтүп, биздин күндөргө чейин жетти», — деп айтылат президенттин жарлыгында.
Жээнбеков Маданият министрлигине өлкөнүн өкмөтү менен биргеликте жаңы майрамдын урматына карата майрамдык иш-чараларды уюштурууну тапшырды.
