Республикалык штаб акыркы сутка ичинде коронавирус дагы 10 медикте аныкталганын маалымдады.
Медицина кызматкерлеринин коронавируска чалдыккан эң көп учуру Баткен облусунда катталды — 3 адам. Ош шаарында медиктердин арасында коронавирус жуктуруунун жаңы 2 учуру катталды.
Бишкек шаарында жана Чүй, Ысык-Көл, Жалал-Абад, Нарын облустарында бирден медкызматкер инфекциягы чалдыкканы аныкталды.
Ошол эле учурда ооруканалардан 12 медицина кызматкери чыгарылды, ал эми үй карантининен 60 медик коё берилди.
Жалпысынан, медицина кызматкерлеринин арасынан коронавируска 2 938 адам чалдыгып, алардын ичинен 2 097 медик оорудан айыгып чыккан.
«Саламаттык сактоо уюмдарынын коронавирус жуктурган кызматкерлеринин жарымына жакыны орто медперсоналын түздү: санитардык дарыгерлердин жана эпидемиологдордун жардамчылары, лаборанттар, медайымдар», — деп айтып берген 3-августта өткөн брифингде коомдук саламаттык сактоо башкармалыгынын башчысы Айнура Акматова.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
