Достук айылына жакын жолдо үч автоунаа сүзүшүп натыйжада алты адам каза тапты. Дагы бир жабыр тарткан адам ооруканага жеткирилди.
Өзгөчө кырдаалдар министрлигинин маалыматына ылайык, жол кырсыгы 14-сентябрь күнү кечинде болгон. Анда Достук айылына жакын Бишкек-Ош авто жолунда «Ауди-100 C4», «Ауди-100» жана «Хюндай-Портер» үлгүсүндөгү машиналар сүзүшкөн.
Жол кырсыгынын натыйжасында беш адам окуя болгон жерден каза болуп, дагы бирөө ооруканага жетпей көз жумган.
Дагы бир жабыркаган адам Шамалды-Сай шаардык ооруканасына жеткирилген.
Милиция жол транспорт кырсыгынын себептерин аныктоодо.