Буту менен сүрөт тарткан сүрөтчүнүн Бишкектеги көргөзмөсү [видео + сүрөттөр]

Буту менен сүрөт тарткан бишкектик сүрөтчү Төлөн Жумагуловдун эмгектеринин көргөзмөсү ачылды. Анда Жумагуловдун 40ка жакын сүрөтү коюлган.

Төлөн Жумагуловдун көргөзмөсү борбордогу «Бишкек Парк» соода борборунда ачылды.

Жумагуловдун тууганы Айзада Шакиева Kloop.kgге берген маегинде сүрөтчү беш жашынан эле сүрөт тартып баштагандыгын айтты.

«[Жумагуловдун] колдору бала кезинен эле кыймылдабайт — ал кээ бир буюмдарды беш жашынан тартып эле кармай баштаган. […] Жыл өткөн сайын сүрөт тартуу анын кызыгуусуна айланган», — деди ал.

Шакиева бир сүрөттү аягына чыгаруу үчүн Жумагуловго болжол менен 4-5 күн убакыт талап кылына тургандыгын кошумчалады.