Айтылуу ямайкалык спринтер эстафета боюнча өнөктөшүнүн биринин сынам үлгүсүнөн кызытма чыкканы үчүн Бээжин Олимпиадасынын алтын медалынан айрылды.
Тогуз жолку Олимпиада чемпиону Усэйн Болт эми сегиз жолку чемпион болуп калды — Болт жана Ямайканын чуркоо боюнча курама командасындагы анын өнөктөштөрү команданын спринтерлеринин бири Неста Картердин үлгүсүнөн кызытма чыкканы үчүн Олимпиаданын алтын медалынан айрылышты.
![](http://kloop.kg/wp-content/uploads/2017/01/Nesta-i-Usejn.jpg)
Картердин канынан метилгексанамин табылды — ал нерв системасынын жандандыруучусу, анын аракети адреналиндикине окшош.
«Эркектер арасында 4х100 метрлик эстафетаны утуп алган Картер Бээжиндеги Олимпиада оюндарынан дисквалификацияланды. Үлгүлөрдү кайра талдаганда тыюу салынган метилгексанамин деген зат чыкты», — деп айтылат Эл аралык олимпиада комитетинен билдирүүсүндө.
Кайрадан текшерүүнүн жыйынтыктарынан улам эстафетага катышкан ямайкалык төрт спортчу тең медалынан айрылат.
Ошентип, 2008-жылдагы Олимпиада оюндарынын алтын медалы Тринидад менен Тобагонун командасына, күмүшү — Жапонияга, ал эми колосу — Бразилияга өтөт.
Картердин өзү бир жарым жылга чейин мелдештерден четтетилет.
ТЕМА БОЮНЧА:
- Усэйн Болт футболдук карьерасын баштоону пландап жатат
- Риодогу 12-күн: Германаниялык машыктыруучу каза болуп, бирок төртөөнү сактап калды
- Америкалык спортсмендер салмак таштоо үчүн кокаин колдонушкан