Интернет-кабель «уурдалып» кеткен соң Чүй, Нарын жана Ысык-Көл облустарынын тургундары дээрлик 8 саат бою интернети жок отурушту.
«Кыргызтелекомдогулар» кабарлагандай, «байланыштын үзүлүшүнө» электр өткөрүүчү зымдардан интернет-кабель кесилип алынганы себеп болгон.
Нарын, Ысык-Көл облустарынын абоненттери жана Чүй облусунун интернет колдонуучуларынын бир бөлүгү эртең мененки 4:37ден тартып интернети жок калышты.
Жумушчулар бригадасы байланышты түшкө жакын гана, 12:18де калыбына келтире алды.
«Кыргызтелекомдун» инженери Айгерим Эсенкадыр кызы Kloop.kgге зымдар чын эле белгисиз адамдар тарабынан бузулганын айтты.
Компания укук коргоо органдарына уурулук фактысы боюнча кайрылган-кайрылбаганы азырынча белгисиз.
ТЕМА БОЮНЧА:
- Темир тор артында, бирок онлайн: Түрмөдөгүлөр кантип Интернетке чыгышат?
- Видео: Google компаниясында иштеген кыргызстандык Интернет таркатчу шарлар тууралуу
- Жеке тажрыйба: Соттолуп-соттолбогондугу тууралуу аныктаманы Интернет аркылуу алуу коррупцияга өбөлгө боло тургандыгы тууралуу